Preces Quotidianae
Commonly-used prayers used on a daily basis. Hence the subtitle of this website, Preces Quotidianae, meaning "daily prayers" in Latin.
Domine Iesu Christe, in unione illius divinae intentionis, quia in terris per sanctissimum Cor tuum laudes Deo persolvisti et nunc in Eucharistiae Sacramento ubique terrarum persolvis usque ad consummationem saeculi, ego per hanc diem integram, ad imitationem sanctissimi Cordis beatae Mariae semper Virginis immaculatae, tibi libentissime offero omnes meos intentiones et cogitationes, omnes meos affectus et desideria, omnia mea opera et verba. Amen.
Fons: FishEaters
℣. Angelus domini nuntiavit Mariae;
℟. Et concepit de Spiritu Sancto.
Ave Maria gratia plena dominus tecum. Benedicta tu in mulieribus et benedictus fructus ventris tui Jesus. Sancta Maria mater dei ora pro nobis peccatoribus nunc et in ora mortis nostrae. Amen.
℣. Ecce ancilla domini;
℟. Fiat mihi secundum verbum tuum.
Ave Maria gratia plena dominus tecum. Benedicta tu in mulieribus et benedictus fructus ventris tui Jesus. Sancta Maria mater dei ora pro nobis peccatoribus nunc et in ora mortis nostrae. Amen.
℣. Et verbum caro factum est;
℟. Et habitavit in nobis.
Ave Maria gratia plena dominus tecum. Benedicta tu in mulieribus et benedictus fructus ventris tui Jesus. Sancta Maria mater dei ora pro nobis peccatoribus nunc et in ora mortis nostrae. Amen.
℣. Ora pro nobis sancta dei genitrix;
℟. Ut digni efficiamur promissionibus Christi.
Oremus. Gratiam tuam quaesumus domine mentibus nostris infunde: ut qui angelo nuntiante Christi filii tui incarnationem cognovimus, per passionem ejus et crucem ad resurrectionis gloriam perducamur. Per eundem Christum dominum nostrum. Amen.
℟. Divinum auxilium maneat semper nobiscum.
℣. Et fidelium animae per misericordiam Dei requiescant in pace.
Amen.
Fons: adaptatus ex FishEaters
Regina caeli laetare, alleluja;
Quia quem meruisti portare, alleluja;
Resurrexit sicut dixit, alleluja;
Ora pro nobis deum, alleluja.
℣. Gaude et laetare virgo Maria, alleluja;
℟. Quia surrexit dominus vere, alleluja.
Oremus. Deus qui per resurrectionem filii tui domini nostri Jesu Christi mundum laetificare dignatus es: praesta quaesumus, ut per ejus genitricem virginem Mariam perpetuae capiamus gaudia vitae. Per eundem Christum dominum nostrum. Amen.
℟. Divinum auxilium maneat semper nobiscum.
℣. Et fidelium animae per misericordiam Dei requiescant in pace.
Amen.
Fons: adaptatus ex FishEaters
Benedic domine nos et haec tua dona quae de tua largitate sumus sumpturi. Per Christum dominum nostrum. Amen.
Agimus tibi gratias omnipotens deus pro universis beneficiis tuis. Qui vivis et regnas in saecula saeculorum.
℣. Deus det nobis suam pacem;
℟. Et vitam aeternam.
Amen.
Fons: Preces Latinae
Veni sancte Spiritus reple tuorum corda fidelium et tui amoris in eis ignem accende.
℣. Emitte Spiritum tuum et creabuntur;
℟. Et renovabis faciem terrae.
Oremus. Deus qui corda fidelium sancti Spiritus illustratione docuisti: da nobis in eodem Spiritu recta sapere et de ejus semper consolatione gaudere. Per Christum dominum nostrum. Amen.
Fons: Preces Latinae
O Jesu vivens in Maria,
veni et vive in famulis tuis,
in spiritu sanctitatis tuae,
in plenitudine virtutis tuae,
in perfectione viarum tuarum,
in veritate virtutum tuarum,
in communione mysteriorum tuorum;
dominare omni adversae potestati,
in Spiritu tuo ad gloriam Patris.
Fons: Very Rev. A. Tanquerey, The Spiritual Life, 2nd revised ed., 1930, p. 746.
Domine Jesu Christi fili dei miserere mei peccatoris.
Jesus Maria Joseph